Agenda
Atzealdea

Kontsumo jasangarria

Kontsumo jasangarria eta auzolana
14 IRA

Orendaingo Udalak, datorren Irailaren 29 eta 30ean burutuko diren ekintzei buruzko informazioa ematen dizu ondoren.

Urteak daramazkigu jasangarritasunaren inguruan lan egiten eta aurten ere irizpide honekin jarraitzeko asmoa dugu. Horretarako herritarron kontsumo ohitura jasangarriak sustatzeko diru laguntza programa azaldu nahi dizuegu.

Programa honek 3 urteko iraupena izango du, 2019. urtean hasita.Sarrera moduan esan pizgarri hauek, eguneroko bizian ditugun ohitura horiek, jasangarriagoak izatea izango dutela helburu. Bakoitzak bere etxean egiten duen txiki horrek, denon onurakoa delako azken finean. Ingurugiroa zaindu eta maitatzea denon ardura da.

Pizgarri hauek, ondorengo ohituretan eragina izango dute: Uraren kontsumoan, Argi indarrean, Mugikortasunean, Bertako produktuetan eta baita Komunitate izaeran ere.

Programa honen aurkezpena Irailaren 29 eta 30ean izango da, eguerdi aldera. Bertan herritarrari programaren nondik norakoa jakiteko aukera emango zaio. Eta beste egun batean, etxez etxeko lana egingo da udaletik hitz orduak ipiniz, programaren xehetasunak hobeto azaltzeko.

Bestalde jakina da, Euskal Herrian auzolana tradizio dugula eta auzolana herrian sustatzeko asmoa ere bai. Horrela Orendainen, Auzolana antolatuko da eta ondoren lunch goxo bat eskaini. Gure nahia etxe bakoitzetik norbait animatzea litzateke. Agertzen den familia bakoitzari, herriko produktuz osaturiko oparitxo bat eskainiko zaio.

Aurten, Zaborretako 8 etxola margotuko dira, beraz etxeko arropa zaharra janztea duzue hoberena. Ahalik eta hobekien antolatz

era begira auzolana, zuen parte hartzea konfirmatzea eskertuko genizueke Irailaren 21a baina lehen. Udaletxera deituz 943 654064 zenbakira, edo email bidez agenda21@orendain.eus

Aipatutako programa honen harira, herriko ekoizleak beraien produktuak azoka moduko batean ipiniko dituzte auzolanaren ostean.Bertan izango ditugu Orendaingo errota, Larreta esnekiak, Sasiaingo Baratza, Argaia Goena Baserria eta Zelaieta Baserria. Beraz beraien produktuak ezagutu eta erosteko aukera izango da, agian bada norbait produktu hauen berri ez duenik oraindik. Produktu hauek erosteko txartel berezia izango dute orendaingo herritarrak. Animatu zaitezte!

IRAILAREN 29 :HERRIKO PLAZAN

9:00Tan. Auzolana (Irailaren 21a baino lehen izena eman behar da)

12:00Tan Diru laguntza programaren aurkezpena  eta herriko ekoizleen azoka.

IRAILAK 30 HERRIKO PLAZAN Diru laguntza programaren aurkezpena.